Este martes puidemos desfrutar no recreo dunha actividade moi diferente...xogamos ao xadrez! Grazas ao Clube de Xadrez de Marín e a mestra Natalia que o coordinou.
E tivemos a sorte de poder facelo ao aire libre! Mirade que interesados e concentrados estivemos. Gustounos moito!!
O 15 de marzo de 2012 o Parlamento Europeo realizou a Declaración sobre a introdución do Programa "Ajedrez en la Escuela" nos sistemas educativos da Unión Europea.
Nela, entre outras, acóllense a que: sexa a idade que sea do neno/a, o xadrez pode mellorar a súa concentración, paciencia e persistencia e pode axudar a desenvolver o sentido da creatividade, a intuición, a memoria e as competencias (analíticas e de toma de decisións); que o xadrez ensina valores como a determinación, motivación e a deportividade.
Celebramos o Día Internacional da Eliminación da Violencia Contra A Muller, 25 de novembro.
O pasado mércores, xuntámonos no ximnasio do cole e fumos colocando cadansúa botella de plástico (adornada e cunha mensaxe especial, por este día, dentro) e formando a palabra: RESPECTO!
Para rematar, recollimos unha das botellas para levar á casa e poder así compartilo en familia e sorprendernos coa mensaxe escrita por outro compañeiro/a.
Un exemplo das variadas mensaxes que os nenos e nenas escribiron son estas tres de rapaces de 4º de Primaria.
Dende a biblioteca queremos compartir un conto que hoxe, día contra a violencia de xénero, leremos en todas as aulas, ademais de facer outras actividades que xa vos contaremos, para gritar moi forte: NON AO MALTRATO!
Porque queremos unha educación en igualdade para os nosos nenos e nenas... e por iso nos encanta a cor lila!
Premede na imaxe para ler este conto que as propias autoras, Nunila López e Myriam Cameros, comparten gratuitamente na rede con esta dedicatoria: "Regalámosvos o contos AS CORES, incluído xunto a varios contos máis no noso libro: "Contos para antes de espertar" (Editorial Planeta), no que se traballa a coeducación e a importancia de contarlles aos nenos a necesidade do feminismo nunha sociedade aínda tan machista".
E tamén aproveitamos para enlazar a entrada do ano pasado na que vos deixamos varios vídeos con esta temática: 25 N - 2014
Seguindo coas actividades especiais desta semana, os nenos e nenas de infantil e 1º, tivemos a grandísima sorte de escoitar un conto fantásticamente monstruoso: O GRÚFALO, representado polos nenos e nenas de 5º. Pasámolo en grande! Grazas polo voso traballo.
A historia dun enxeñoso ratiño, que sendo o máis pequeno do bosque, logra evitar non só ser o bocado dos demais animais, senón que tamén consegue ser o máis temido da man do Grúfalo.
Neste conto vimos como a astucia ten máis poder que calquera monstro, aínda que se trate dun con horrorosos colmillos, con garras como puntas de coitelos, con dentes terribles e amarelos, con vultos nos xeonllos, verruga venenosa na punta do nariz, dedos do pé espallados, lingua negra, lombo cheo de espiñas,....
Encantounos o seu sorprendente final... neste conto o tamaño non importa para salir victorioso!
Que mellor despedida que os peques desexando Happy Halloween?
Para os que non coñezades a historia, aquí a tedes contada polos nenos e nenas de 2º do colexio Pero Niño (Cantabria)
Como vos adiantamos, esta semana esta sendo terrorificamente divertida! Unindo a celebración do día das bibliotecas e do Samaín, estamos facendo un montón de actividades na que compartimos tempo xuntos os nenos e nenas de diferentes clases. Mirade canto traballamos nos oradoiros...
Mirade como nos axudamos uns aos outros... e xenial e moi divertido coñecer e traballas cos compañeiros de outras clases!
E aquí tedes parte do resultado... somos uns artistas monstruosos!
Se queredes, pasade polo blog de infantil e veredes algun monstruiño mais dos que fixeron no obradoiro. Premede AQUÍ
Comezamos cun conto clásico, Donde viven los monstruos, de Maurice Sendak.
Max é un neno que descubrirá o marabilloso mundo dos monstros. Cando Max se pon o seu disfrace de lobo éntranlle unhas ganas irrefrenables de facer travesuras pero, intentar comer á súa nai, é demasiado!
Este segundo vídeo é unha curtametraxe animada de Disney creada no ano 1929. Un grupo de esqueletos bailan e crean música nun tenebroso cemiterio...
Por último, poderedes desfrutar da primeira curtametraxe de animación en gañar un Óscar, en 1932. Comeza cunha idílica danza da flora do bosque ata que unha árbore a interrompe. Pero, como e por que o fai?
Estes días coa chegada do “Samaín”, imos contar contos de medo, de cabazas, de esqueletes,… non vos olvidedes de traer os libros que teñades pola casa con esta temática para contarllos aos compañeiros.
O ano pasado, nestas datas, xa vos recomendamos un dos contos preferidos dos nosos peques: “Corre, corre cabaciña”.
Premede na imaxe se queredes escoitar o conto e a canción da cabaciña mais rápida dos libros!
Podedes aproveitar esta presentación para que hoxe sexan os peques da casa, os que vos conten un conto a vós!!
E tamén vos deixamos un xogo sobre o conto. Premede na imaxe e... a xogar!!
E nos vos perdades a versión que nos recomendan os de infantil no seu blog. PREMEDE AQUÍ
Esta é unha semana especial na que celebraremos o día das bibliotecas e o samaín. E non podíamos empezar a semana de mellor maneira que poñendo a funcionar as mochilas viaxeiras deste curso.
David e Marco, dous dos colaboradores da biblioteca, axudaron a preparar todo ao equipo da biblioteca.
A felicidade de Arnaldo era enorme ao ver todas as mochilas cheas de libros, de revistas... e cun caderno onde os nenos e as familias poderán contarnos o ben que o pasan coas mochilas.
Listos para repartilas!
E os dous foron polo cole a levar a cada clase a súa mochila.
Esperamos que disfrutedes moito coas lecturas seleccionadas... xa nos contaredes!!